فندق.رائع والخدمه به ممتازه والاكوا بارك جيده واستمتعنا مع فريق الانميشن كل يوم.نشترك معهم في الانشطه.انهم فريق مرح.و كل ليله.لهم برنامج جديد في المسرح الفندق اتمني.ارجع مره اخري الي الفندق لن.اسرتي وانا مرتحين في الفندق.اجازه.سعيده.انا.واسرتي ﻭﻟﻼﺧﺮﻳﻦ

تجربتى مع فندق Park Inn بمنطقة نبق - بشرم الشيخ.
أولا انا كنت طالع مع رحلة تبع الشكرة بتاعتنا وكانت بالاتوبيس الخاص بشركتنا.
وبصراحة وبصرف النظر عن جودة الاتوبيس اللى يقدر يسافر طيران منصحوش خالص انه يسافر باتوبيس او بعربية خاصة خالص. الطريق مش كويس خالص وعدد الأكمنة الأمنية الموجودة عليه كتير جدا بتضيع على الاقل ساعة ونصف وقوف فى الأكمنة الأمنية فقط.
نيجي بقى للفندق ونبدأ من أول وصولنا لبوابة الفندق من الخارج ومن الوهلة الأولى اتضح المعاملة السيئة وعدم مراعاة ناس بقالها 8 ساعات فى الطريق ولسه واصلين الأمن على البوابة رفض فتح البوابة قبل ما الاتوبيسات اللى فى انتظار بعض الأفواج بالفندق تغادر رصيف الفندق وطبعا ده ادى لاستيتء كتير من الركاب وحصل بعض المشادات بالفعل مع الأمن والمسؤلين عن البوابة للسماح للأتوبيس بالدخول على طول.
بمجرد نزولنا من الأتوبيس فى منطقة التجمع كان واضح جدا عدم التنظيم والهرجلة والتداخل بين الأفواج المغادرة والأفواج اللى داخلة لسه تعمل شيك ان.
وصولنا للفندق كان الساعة 2 ولاننا كنا حاجزين كلنا فوق بورد فكان قدامنا ساعة على نهاية معاد الغدا. فعملنا شيك ان سريعا وتوجهنا للمطعم عشان نلاقى المفاجأة.
المطعم زحمة جدا الطاولات متبهدلة بكل معنى الكلمة والطاولات اللى عليها بواقى اطباق وأكل محدش بيشيلها الاصناف الموجودة من الأكل قليلة جدا يعنى مثلا مكنش فيه اى انواع لحوم غير دجاج مطهى مسبقا اللى هو زى كوكي وناجتس والحاجات ديه. كمان التكييف فى المطعم تقريبا كان مش شغال خالص فى حر اغسطس طبعا ساونا.
وكتير من الزملاء رفضوا المنظر اصلا وطلعوا على غرفهم عشان يكتشفوا ان الغرف مش احسن حال بكتير من المطاعم. التلاجات المنى فى كل الغرف تقريبا مش شغالة او ضعيفة جدا. مفيش اى سناكس او مشروبات فى الغرف. الغرف غير منظفة جيدا وكثير منها به مشاكل تحتاج لصيانة زي احواض مسدودة وشبابيك تفتح بصعوبة.
- الواى فاي غير متوفر بالغرف ولكن متوفر بمنطقة الريسيبشن فقط.
بعد يومين من الزيارة اكتشفنا ان فيه 3 مطاعم فى الفندق اللى دخلناه اول يوم وكان اسوأهم واخر به تكييف جيد وبوفيه افضل اما التالت بقى عرفنا انه فى دور علوي ومخصص للأجانب فقط وممكن الحبايب معاهم .
كمان عرفنا ام الغرف بالفندق مقسمة إلى مبانى والمصريين يتم تسكينهم فى اسوأ الغرف وده اكتشفناه لما اعترض بعض الزملاء بشدة وطلبوا تغيير الغرف وتم نقل البعض من المبنى ليجدوا الغرف بالمبانى الاخري انضف بكثير.
بخلاف السلبيات السابقة وجدنا الكثير من الإيجابيات :
1- يوجد بالفندق 7 حمامات سباحة متنوعة الشكل والحجم تناسب جميع الأعمار صغر وكبار وكوا بارك والعاب مائية متنوعة للكبار والاطفال. وجمبع حمامات السباحة يتم العناية بها بشكل فائق الجودة على مدار الساعة.
2- يوجد بار للمشروبات الساخنة والباردة بجوار كل حمام سباحة تقريبا حتى ان احد حمامات السباحة يوجد به بار بداخل حمام السباحة نفسه بحيث يمكنك طلب مشروب وانت تسبح :) . ويسمح الفندق بالنززول بالنسبة للسيدات بالمايوة الشرعى فى جميع حمامات السباحة باستثناء حمام واحد فقط من ال 7 . وكان هذا أمر مقبول للجميع.
3- يوجد منطقة لالعاب الأطفال ويوجد الى جوارها غرفة للانشطة للاطفال بها الكثير من الالعاب وبها مشرفة تساعد الاطفال على الرسم وتنفيذ الانشطة والتسلية.
4- يوجد مسرح بالفندق يقام عليه الحفلات بشكل يومي للأطفال والكبار وبه بار للمشروبات الروحية .
5- تصميمات الفندق رائعة الجمال ومساحته كبيرة جدا ويحتوي على العديد من الديكورات والأشكال والخضرة الرائعة التى تجعل مجرد التمشية بارجائه أمر ممتع.
6- أساس الغرف نفسه جيد جدا بل ممتاز فكل غرفة مزدوجة بها سرير كبير وكنبة قابلة للفرد لتصبح سرير . بالتالى كانت الغرفة الثنائية ملائمة جدا لاسرة من 5 افراد (بالأطفال) .
7- بجوار الفندق سوبر ماركت وصيدلية وبعض المحلات التجارية ويوجد على بعد 50 مترا منه سوبر ماركت اولاد رجب بالتالى ان اتحتجت اى شيء مش هتحتاج تروح بعيد.
8- يوجد تراس رائع أعلى الريسيبشن المكيف وبه بوفيه للمشروبات الساخنة والباردة متوفر كل يوم حتى الساعة 12 مص بصراحة الجلوس فيه امر ممتع وطله ممتازة.
اجمالا انصح جدا بهذا الفندق بشرط ان يتم الترتيب جيدا للزيارة والتاكد من جودة الغرفة وانها مطلة على حمام من حمامات السباحة وتنسيق جيد عند الحجز هتكون الرحلة ساعتها ممتعة جدا. بصراحة قضينا 5 ايام فيه محتجناش فعلا نخرج من الفندق.
وبخصوص سوء بوفية المطاعم تم حل المشكلة بشكل كبير بعد تقديم شكوي اول يوم لادارة الفندق ومن اليوم التانى لقينا معاملة مختلفة وبوفية اكتر تنوع وجودة. بالرغم من وجود بعض العيوب رغم ذلك لكنها لم تعكر صفو الرحلة وهى واردة فى اى مفندق يستقبل عدد كبير من السياحة الداخلية

اعتقد ان المكان كويس بس لما روحت كان فى حاجه غلط
المطعم اكثر من سيئ.. من حيث الأكل وتنوعه وطريقه تقديمه
ولا يتناسب مع السعر الغرفه خااااالص
بس مدير المطعم حد ذوق جدا وتحس انه عارف العيوب دى بس مفيش فى ايده حل
شكلها مشكله من الأدارة
الخدمات تعبانه خالص
الأكوا بارك هى بس اللى كويسه
البحر وحش جدا لا يصلح للنزول
فندق معقول
السعر لا يناسب مع الخدمات المفروض يبقى اقل