فندق ريحانه ريسورت صف تاني على البخر فندق سئ جدا قضينا ٤ ايام من اسوء الفنادق ولا يستحق نجمه واحده بسبب
الفندق قديم جدا وده باين من الجدران والأثاث بتاع الفندق وخصوصا التليفزيون قديم جدا
ضعف و انقطاع المياه يوميا في الغرف من الساعه ٨ صباحا حتى ١٢ ظهرا..وشوفو بقى في الوقت ده الحمامات قذره جدا قد ايه..واما سألت الصيانه قالو فيه مشاكل بمواتير رفع المياه للخزان وبنفصلها كل شويه
الحمامات بعيده جدا عن بعضها تقريبا ٤ حمامات. واحد بالاستقبال و٢ بالمطعم وواحد في الممر
المطعم سئ جدا ويوجد اذدحام شديد على بعض الأكلات
الغرفه بها حشرات ويوجد نمل على الاسره أولادي ما عرفو ينامو من النمل ومنتشر في الفندق كله
موظفين الاستقبال في قمه قله الذوق
لا يوجد واي فاي الا بالاستقبال فقط ولا يعمل
لا أحد يجيب على تليفونات الغرف من موظفي الاستقبال لابد من الذهاب بنفسك الي الاستقبال لعرض المشكله
الاكوا بارك ٦ لعبات فقط وسيئه جدا بسبب الذحام الشديد
House keeping زي الزفت ما فيه مخدات على السراير وما فيه فوط بالحمامات وقت الاستلام ومافيش نضافه على الإطلاق
الدش كان مكسور والمياه قاطعه ولم نستطيع الاستحمام
نصيحه لوجه الله تعالى انا لاحظت اني فيه تعليقات قويسه وتقريبا دول من الموظفين اللي شغالين في الفندق
المشروبات بالفندق مش شغاله ٢٤ ساعه.صحينا بدري في رحله وكنا محتاجين نشرب ما لقينا اي مياه للشرب سألنا الاستقبال قال مش شغالين طلعنا اشترينا من الماركت
ما فيش حد بالفندق عارف اتجاه القبله فين ولا في اي دليل
الخزينه اللي بالفندق مش شغاله
تم إرفاق صوره الحمام المكسور بالغرف مع رقم الغرفه
علشان برده اكون عرضت كل حاجه فريق الانميشن قويس والناس محترمه جدا فيه وبشوشه
انا كنت حابب ارفع صور كتيره بس للاسف حجمها كبير تقريبا في مشكله..
شهاده حق لوجه الله اتحاسب عليها والله على ما أقول شهيد
1,770
649
266
140
152
