رويال توليب مرسى علم من اجمل الفنادق التى اقمت بها من حيث الموقع والخدمة ونظافة الغرف والفيو المتميز لجميع الغرف ومستوى الطعام وتنوعه يوميا وبشاشة وجوه العاملين بالفندف وعدم التفرقة فى المعاملة بين المصريين والأجانب وشكر خاص للشيف العمومى احمد الجويلى على مجهوده و تميزه فى ارضاء جميع الرغبات فى تناول الطعام أصناف متعددة وطعم متميز كما أتقدم بالشكر لمديرى الريسبشن مستر احمد صبرى ومستر محمد جمال ومستر ممدوح النوبى على الإستقبال الحافل لجروب جمعية الخدمات للعاملين بالاذاعة والتليفزيون وسرعة التسكين والعمل على ارضاء كافة النزلاء وتذليل كل العقبات امامهم واشكر ايضا مستر شعبان ومستر اشرف مديرى المطعم والبارات على تعاونهم واخيرا اشكر جميع العاملين بالفندف على ادائهم المتميز وحسن تعاونهم وتقديم افضل ما لديهم لارضاء جميع النزلاء ليجعلوا اقامتك باافندق اقامة سعيدة ولن تكون للمره الاولى والأخيرة

فندق جيد جدا جداا وجميل ومريح وشكر خاص لكل من مستر احمد صبرى ومستر محمد جمال ومستر ممدوح فى الإستقبال والشبف احمد جويلى رئيس الطعام ومستر شعبان مدير المطعم ومستر اشرف مسئول البارات وجميع العاملين بالفندف

انا كنت في الفندق من يوم ٥ اغسطس وقعدت ٤ ليالي وبصراحه مستاء جدا من الفندق وده تقييمي

موظفي الاستقبال محترمين جدا ومتعاونين بصراحه
لكن وصلنا الغرف مفيش مايه والجو حر جدا اتصلنا بيهم يا جماعه مفيش مايه في الغرف قالولنا ليكم ازازه واحده في اليوم طيب فين هي حاضر يامستر ومفيش حاجه جات طيب احاول اتصل من الغرفه علي رقم ٨ عايز اعمل اوردر محدش بيرد اتصل بالريسيبشن حاضر وطبعا مفيش حاجه فمش عارف اعمل اوردر ومش عارف حتي اطلب مايه طيب اعمل ايه انزل املي الازازه من البار طبعا بعد خناقات كتير بعتولي مايه الغرفه
طيب التكييف فاصل في الغرفه ومش عارفين ننام ومعايا اطفال واكلمهم يقولوا حاضر هنبعتلك حد ومفيش بعد خناقات كتير واتسلقنا في الحر وتهديدات كتير باني هشتكيهم وكده بعد اكتر من ساعتين ونص جالي فني التكييف يقولي انا اسف كان عندي مشكله في فندق تاني اللي هو ماجيك توليب طيب انا مالي ومال ماجيك توليب
نيجي لخدمه تنظيف الغرف تالت يوم كنت في رحله من الصبح وجيت لقيت الغرفه مش نظيفه ومحدش دخلها اصلا اليوم الرابع انا كنت واخد غرفتين جنب بعض لقيته نضف واحده والتانيه لا قعدت الف وراه واظبطه علشان ينضفها يعني الخدمه سيئه جدا جدا من أسوء الفنادق اللي نزلت فيها كخدمه بصراحه علشان اعمل حاجه او اطلب حاجه بتعب جدا

نيجي بقي للمطعم اولا الاكل مش حلو كطعم ومش متنوع نفس الاكل بتاع الغدا هو نفس بتاع العشا هو نفس بتاع تاني يوم مفيش حاجه جديده فالمطعم معجبنيش ولا انا ولا كل اسرتي وحتي ده انطباع بردوا ناس كانت مسافره معانا في الرحله وحتي علشان نشرب مايه نلاقيها سخنه واقولهم المايه سخنه نفسي اشرب مايه ساقعه يقولولي يا مستر الجو حر جدا والحاجه مش بتبرد يعني رد رخم جدااااا

اخر شي فريق الانيميشن ضعيف جدا ويعتبر مفيش حفلات ولو في بتبقي ضعيفه جداا ومفيش فيها اي ابداع او حاجه جديده حافظين اغنيتين برقصتين وشكرا وطبعا مش بيتعاملوا مع مصريين وكل الاهتمام بالاجانب

الشاطئ رملي وكويس للاطفال
والاكوا كويسه ولذيذه للاطفال بردوا