كانت رحلة جميلة جدا مع العائلة ونشكر ادارة الفندق على حسن معاملتهم . الاكوا جميلة جدا للاطفال وامنه تماما . الفندق موجود فيه كل وسائل الراحة للنزلاء. مستوى النظافة فوق الممتاز. الاكلات متنوعة يومياوترضى جميع الاذواق

الفندق جميل جدا وفيه مميزات لطيفة والعاملين محترمين ولكن فيه عيب قاتل جدا جدا
نضافة الفوط..انا في الطريق دخلت قريت ان الرووم سيرفيس مش اد كده..بس للاسف كان لازم اجرب بنفسي
اهم حاجة كانت نضافة الفوط يعني اول يوم رحت لقيت فوطة متعلقة زى ما تكون عليها اثار اقدام ومش نضيفة حتى بشكير الشاطيء كانت مش نضيفة ...كمان الملايات والمخدات مش متعقمة وموبرة ..وللاسف انا نسيت اجيب الفوط بتاعتي معايا وعشان بشرتي حساسة اثرت ع شكل وشي وجسمي لمدة اسبوع لحد دلوقت حبوب في كل جسمي بطريقة فظيعة

من احلي الفنادق اللي روحتها بصراحة وهسردلكم المميزات والعيوب .
1- فندق هادئ ومنظم ومرتب الي حد ما مريح للاعصاب
2- حمامات السباحة ممتازة وكبيرة ونظيفة جدا . والاكوابارك امنة جدا وممتااازة ووجود اكوا للكبار وللاطفال جمب بعض .
3- البحر قريب جدا جدا ٣ دقائق مشي . ورايق جدا ونظيف جدا .
4- علي كل حمام سباحة بار خاص به والبحر خاص به واللوبي خاص به والكل يعمل حتي 11 بالليل ماعدا البحر .
5- الغرف ممتااازة كنظافة واثاث ومساحه .
6- العاملين متعاونين الي اقصي درجة ودايما ابتسامة علي وجوههم وتحس انه عايز يساعدك بدون اي مقابل . وبالذات اللي علي بارات كلها .
7- المطعم يصل الي درجة جيد جدا مش ممتاز . وده طبيعي لفندق ٤ نجوم . كل يوم لازم تلاقي صنف او اتنين جديد . دون تكرار .
8- رغم ان معظم النزلاء من المصريين لكن لن تنزعج .. نظام الفندق يتيح لكل فرد الخصوصية والراحة والنظااااام .

نأتي للعيوب :
1- الشاطئ صخري جدا .. يستحيل فيه السباحة لكن انا استمتعت جدا ببداية اللشاطئ قبل الصخور نظرا لوجود اسماك اشكال والوان حواليك . ولو ليك ف الغطس والسنوركلينج ف ده الشاطئ الانسب ليك .
٢ - مفيش اي سناكس علي البارات .. يكتفي الفندق بالمشروبات الباردة والساخنة .
3- بعد العشاء سوف تشعر بقليل من الملل لعدم او قلة الحفلات .. انا قعدت ٤ ايام .. حضرت حفلة واحدة فقط .
اسف للاطالة لكن دي امانة ولازم اقولها .. وفي النهاية انا اوسرتي استمتعنا جدااااا . واكيد هنروح تاني .