يوجد موظف يدعي مصطفي في الاستقبال ..الرسبشن معاملتة سرية جدا
وهذا مثال سئ للقرية
الواي فاي ضعيف جدا ولا يصل للغرف
ولكن للأمانة عمال الغرف والشاطر متميزين جدا
ولكن وحود مصطفي استقبال سئ منة يجعلك تندم لأمك ذهبت لهذة القرية

ثري كورنرز سي بيتش
مرسي علم
أول مره أنزل ريفيو عن فندق
زورت طابا وشرم والغردقه ولا مره نزلت ريفيو
نبتدي بالسبب الرئيسي اللي خلاني انزل ريفيو
وهي الناس العاملين في الفندق❌❌❌.. للأسف كلهم مركزين فقط مع الاجانب مفيش اي تلبيه لطلبات المصريين حقيقي روحت اماكن كتير اول مره اشتكي من حاجه زي دي بس فعلا الوضع هناك سئ جداا
**في ناس لطيفه بس قليلين اوي بجد...
المطعم لو طلبت حاجه من اللي بيجيب مشروبات بيطنشك وبصراحه كنت بقول عادي وبقوم اجيب لنفسي كل حاجه عالبارات نفس الكلام وخصوصا بار البحر

نيجي للانيميشن ....❌❌❌
للأسف الشديد بيعلنو عن كل حاجه عالبول والبيتش بالانجلش او الايطالي مع انهم مصريين وشايفين ان في حوالي نسبه اشغال مصري ٢٠٪ والباقي جنسيات مختلفه
الحفلات بليل بالانجلش ودي مش أزمه معايا او مع اسرتي لأننا فاهمين هيا كانت أزمه مع ناس كتير وعمالين يطلبوا منهم يتكلموا عربي وبيطنشوهم بردو
روحت لمكتب الانيميشن واتصدمت ان رد الاستاذ اللي قاعد هناك انه بيضحك🙃....
حتا الاغاني اللي عالبول كلها اغاني مش مصري بيشغل اغاني بلاد مختلفه الا المصري
طبعا الشو كله انجلش وكان في شو كوميدي عجبني اوي بس كان كله انجلش وايطالي وانا كنت فهماه ومعنديش مشكله مع الانجلش بس في ناس كتير كانت قاعده مش فهما وبيقلوله اتكلم مصري
معنديش مشكله انك بتترجم الحاجه كذا لغه بس انت فرد من انيميشن ومصري وبتتكلم اي حاجه غير العربي
Nicolaus club ❌❌❌

البارات كلها كوبايات ازاز و دي حاجه غريبه اول مره اشوفها ف فندق وفي كوبايات ورق بيطلعوها كل فين و فين مش المشكله في كدا المشكله ان الكوبايات ريحتها قذره جداا ❌❌❌

البحر صخري جدا في حتت بسيطه تقدر تنزل فيها بس هتتعور علشان وسط صخور بردو كتير والاسنوركلينج صعب لان الموج عالي جدا عند المارينا معظم الوقت بيبقوا موقفين عوم من المارينا

في مراجيح قدام الشط تحفه✅
الاكوا صغيره بس جميله✅

الاوضه مش نضيفه ابدااا
ملايات وفوط ريحتهم وحشه اوي
أستلمت الاوضه الارض فيها رمله كلمت الهاوس كيبنج ينضفها تاني انما هما بينضفو اي كلام
الحمام مش نضيف نهائي
الاوضه استايلها قديم جدا بس مكنتش أزمه معايا اد ما كل يوم كنا بنأكد ع بتاع الهاوس كيبنج ينضفها كويس وسايبين تيبس انما مكنش في حاجه بتتغيير❌❌
الاوضه كلها حشرات بتطير ونمل غريب ❌
**مكان الغرفه كان مميز جدا قدام البحر ودي الميزه الوحيده✅
وبتاع الهاوس كيبنج كان بيعملنا كل يوم اشكال طاووس وبطه عالسرير ف دي حاجه لطيفه بصراحه ✅

اللوبي❌
الحمام فيه مش نضيف
بعد الشو بتاع الانيميشن بيقفلو التكييف علشان الناس تحس بحر وتروح اوضها

الأكل
مش حلو و مش وحش🙃
المهم انه مش بيوجع البطن😅
هتلاقي اصناف لطيفه تاكلها يعني من الاخر بس في حاجاه بيعملوها وحشه اوي
الحلويات ريحتها كلها بيض بس في منها حاجات بيبقا طعمها حلو
المشروبات حلوه بس كلها عصاير بودره وطبعا كوكاكولا وسبرايت وفانتا ودول حلوين عادي
مفيش سناكس غير ساندوتشات جبنه ولانشون وحشين اوي عند بار البحر ودنش
❌❌❌❌
مكنتش ناويه اعمل ريفيو غير لما جيت ادخل اتغدا عادي لأن معاد الباص ٢ الضهر
لقيت كل الشيفات جايين لأ ملكوش غدا
طيب انا معايا طفله يقلولنا ادفعو عالفردين ٨٠٠ جنيه وبعتوا واحد اتكلم بأسلوب قذر هتدفعوا يعني هتدفعوا المهم حاولوا يلموا الموضوع لأنهم حسوا بغلطهم اما قولنالهم ان اي فندق شييك بيسمح للناس تتغدا خصوصا لو ماشيين وهيسافروا مسافه طويله زينا ومدير المطعم تقريبا قال ان نتفضل نتغدا بس طبعا نفسنا اتسدت مكلناش حاجه والوقت كان عدا والباص جه
موقف وحش جدااا و ملحقتش اشوف أسم اللي جه يتكلم لكل قله ذؤوق دا ❌❌
واحنا ماشيين بعتولنا ناس من الاستاف يقولنا ان منزعلش 🙃❌❌

بيهتموا اوي بالشو بيعملوا اي حفله او اي اكتيفيتي علشان يصوروا وينزلوا عالصفحه بسسس انما مفيش حاجه بتتعمل كوويس خالص كل اللي عالصفحه دا شووووو ❌❌

انا اتبسطت لأني مسافره اسبوع مقرره اتبسط وخرجنا رحله بحريه وكنت بتجاهل كل السلبيات بس قررت اني هنزل ريفيو علشان كميه المواقف الوحشه دي

أحب أشكر شركه Swvl محسناش بتعب المشوار بجد عربيات وسواقين كويسين جداا✅✅✅

فندق فوق الممتاز والمدير فوق الرائع والاصطفاف كلهم ممتازين ومتعاونين جدااااا اتمني كل سنه اكون هناكً بجد كان اجمل مصيف طلعته امان ونظافه وتعامل وكل شي ورحلات كتير هناك وعربيات مكيفه مش محتاج اي شي تاني