الفندق المفضل لقلبي رغم اننا بنروح الساحل و الغردقة اماكن كتير الا ان ده الاقرب ليا بسبب الهدوء و السلام النفسي الغريب اللي موجود في الغرف بتاعته و الخدمة المميزة اللي ملقتهاش في اي مكان تاني
بجد الناس اللي شغالين هناك خدومين جدا و همهم الناس و انبساطهم و رضاهم عن كل حاجة و الأكل بالأخص، الشيف جمال راجل جميل هناك في المطعم بيمشي بنفسه يتأكد ان الأكل عاجب الناس و فعلا الأكل عندهم مميز و مخدوم اوي

ده غير الاسعار المميزة اللي بروح اماكن كتير اصرف فلوس بالعبيط فيها و الاقي خدمة و اسلوب من الstuff من احسن حاجة لكن دول بجد خدمة ٢٤ ساعه بيعملوا فيها البدع علشان يحسسوك بالراحة في المكان

طلبت منهم اعمل عيد ميلادي و كانت مفاجأة علي عكس ما توقعت اختاروا موقع مميز جدا عالpool و حطولي اضاءة و سماعات مخصوص و جابولي شمع و مفارش ستان رقيقة و شيك اوي و فضوا المكان من حوالينا علشان ناخد راحتنا و بجد كان يوم يجنن بسببهم

البحر هناك بقي حاجة تانية مش هتكلم عن النقاء و الهدوء و النضافة و الأمان و المنقذين اللي عينهم دايما عالناس اللي في الميا ❤❤

ده غير العروض و الحفلات اليومية و الأفلام اللي تبقي لسة في السينما و يعرضوهالك كل يوم بجودة حلوة اوي و الالعاب اللي بيعملوعا للاطفال و الkids area و مكان الشطرنج اللي بطولك علشان تحس انك مندمج كده و جوا اللعبة بجد😍😍

مكانمناسب لأي فئة عمرية كمان عاملين حساب الشباب فب منطقة خاصة للبلياردو و الكوتشينة و حاجات تانية كتير

من الآخر ارشحه لأي حد ايا كان وضعه و احتياجاته

روعه جدا ويمتاز بالهدوء والخدمه الممتازه من كل الاصطف
وعلي رأسهم المدير العام استاذ ناجى. المتواجد دائما في اى مكان بالفندق للإشراف المباشر علي الجميع

وانصح الجميع يروحوا المكان الجميل ده
ومتأكد اللي يروح هناك مره هيكررها كتير
عن تجربه. انا واولادى واحفادى بقالنا حوالي اكتر من ست سنوات نتردد عليه واسعاره جميله مقارنه لما يقومون به
فعلا كل شكرى وتقديرى للقائمين علي الفندق

من أجمل الايام اللى قضيناها
الstuff محترمين جدااا و متعاونين جدااا
الخدمه ممتازه
سعر الغرفه مناسب جدا
فيه حفلات كل يوم جديده مش متكرره
الاكل متنوع و طعمه حلو و مخدوم
طلبنا منهم نحتفل بعيد ميلاد اختى عملوا ديكور حلو اوى و عملوا بسيط و شيك و هادى و فرحونا جدا و الstuff كله احتفل بينا
ان شاء الله هتتكرر تانى