الفندق هادئ نظيف . حمام السباحة روعة . العاملين منتهي الذوق . مسؤول الحجوزات قمة في الذوق والاحترام. الغرف ممتازه وفيو بحر وبسين. حفلات يوميا. نظافة الغرف يوميا من الحاجات المميزه جدا . أن شاء الله الزيارة تتكرر

الفندق المفضل لقلبي رغم اننا بنروح الساحل و الغردقة اماكن كتير الا ان ده الاقرب ليا بسبب الهدوء و السلام النفسي الغريب اللي موجود في الغرف بتاعته و الخدمة المميزة اللي ملقتهاش في اي مكان تاني
بجد الناس اللي شغالين هناك خدومين جدا و همهم الناس و انبساطهم و رضاهم عن كل حاجة و الأكل بالأخص، الشيف جمال راجل جميل هناك في المطعم بيمشي بنفسه يتأكد ان الأكل عاجب الناس و فعلا الأكل عندهم مميز و مخدوم اوي

ده غير الاسعار المميزة اللي بروح اماكن كتير اصرف فلوس بالعبيط فيها و الاقي خدمة و اسلوب من الstuff من احسن حاجة لكن دول بجد خدمة ٢٤ ساعه بيعملوا فيها البدع علشان يحسسوك بالراحة في المكان

طلبت منهم اعمل عيد ميلادي و كانت مفاجأة علي عكس ما توقعت اختاروا موقع مميز جدا عالpool و حطولي اضاءة و سماعات مخصوص و جابولي شمع و مفارش ستان رقيقة و شيك اوي و فضوا المكان من حوالينا علشان ناخد راحتنا و بجد كان يوم يجنن بسببهم

البحر هناك بقي حاجة تانية مش هتكلم عن النقاء و الهدوء و النضافة و الأمان و المنقذين اللي عينهم دايما عالناس اللي في الميا ❤❤

ده غير العروض و الحفلات اليومية و الأفلام اللي تبقي لسة في السينما و يعرضوهالك كل يوم بجودة حلوة اوي و الالعاب اللي بيعملوعا للاطفال و الkids area و مكان الشطرنج اللي بطولك علشان تحس انك مندمج كده و جوا اللعبة بجد

مكانمناسب لأي فئة عمرية كمان عاملين حساب الشباب فب منطقة خاصة للبلياردو و الكوتشينة و حاجات تانية كتير

من الآخر ارشحه لأي حد ايا كان وضعه و احتياجاته