الاستاف كلهم محترمين ومعاملتهم ودودة جدا وبيتعاملوا بحرفية وهدفهم ان العميل يرتاح في إقامته بكل السبل.. حمامات السباحة نظيفة وواسعة ومتعددة في العدد والعمق وفيه فريق للإنقاذ محترمين جدا في تعاملهم... فيه انيميشن ليلي مناسب للأطفال... الغرف نظيفة جدا والأسرة مريحة والتكييف بالغرف ملائم. وخدمة الغرف جيدة جدا الأكل طعمه حلو ومتنوع في المطعم..فيه سوبر ماركت جوه الفندق بس أسعاره عالية نوعا ما...المياه بتشتريها انت مش ضمن الوجبات بالمطعم . بيحصل جزر ومد لكن البحر جميل وصافي والممشى وسط البحر اكتر من رائع..وممكن تطلع رحلة بحرية بسعر مناسب.. .يمكن الفندق بس بعيد عن المدينة شوية ومفيش خدمات قريبة منه فالإقامة هتنحصر داخل الفندق بين البحر وحمامات السباحة لكن بيكون فيه عربية ممكن تطلع من الفندق لمدينة راس سدر فالأفضل اللي يروح يكون معاه اغلب اللي محتاجه أثناء الإقامة..فيه عيادة جوه الفندق. الفندق مناسب للعائلات اللي معاها أطفال أو لو حد بيحب يستمتع بالطبيعة والهدوء بعيدا عن الصخب عموما ... تحية لمدير الفندق ا. ناجي اللي متواجد باستمرار في كل مكان للمتابعة والشيف جمال اللي أمتعنا بأكلات لذيذة وكل استاف المطعم وا. عمار وكل فريق الاستقبال وخدمة الغرف وفريق الانقاذ وكل العاملين بالفندق وان شاء الله تتكرر الزيارة مستقبلا.

أعجبني جدا الفندق اولا قرب المسافة من القاهرة لان أولادي ليسوا من عشاق رحلات المسافات الطويلة
مستوى الغرف جيد جدا ويوميا تتم نظافة الغرفة
جميع العاملين دائما متعاونين مع النزلاء ومبتسمين باستمرار وعلى رأسهم مستر ناجي الشاعر الزملكاوي الأصيل رغم أننا اهلاوي
البحر روعة والمارينا تحفة وحمامات السباحة آمنة
وجميع النزلاء كانوا سعداء وانعكس ذلك على فرحتهم في حمامات السباحة الكبار قبل الصغار أثناء اللهو
شكرا لكل طاقم الفندق وإن شاء لنا لقاء قريب