ريفيو تفصيلى عن ريزورت سوليمار سوما باى ( مجموعه جاز )
الفندق صف اول بحر شاطئ رملى متتدرج يصلح للنزول للاطفال و لطيف على الاخر
فى ٣ بيسينات اتنين كبار و واحد اطفال بزحلقتين ( مينى اكوا للاطفال )
الفندق تصميمه مستطيل ( كنز و طويل يعنى من اول نقطه الريسيبشن لاخر نقطه الشاطئ تاخد فى حدود ٦ او ٧ دقايق مشى ) الغرف واخد اتجاه رقم ٨ يعنى بادئه من الواسع و بتضم على الشاطئ و ده بيخلى الغرف مش تشوف الشاطئ نهائى لكن فى غرف تطل على الشاطئ ( فى اعتقادى لو كانت اتعكست يعنى على هيئه رقم ٧ اعتقد كانت كل الغرف هتشوف الشاطئ و الله اعلم )
نيجى للمطعم
المطعم اكله تحفه كتير متنوع و نضييييييف ( اهم حاجه النضافه لانى كنت خايف من الموضوع ده لاسباب صحيه معدتى كانت تعبانى الفتىه اللى فاتت مش بستحمل اى اكل بره البيت ) التنوع انك لازم هتلاقى اكل يجى على زوقك و تاكله و تتبسط
نيجى للخدمه
الخدمه فوق الممتازه الناس بتسعى بشكل مبالغ فيه انك تتبسط و يتاكدوا انك تتبسط الناس حواليك فى كل حته على البسين على الشاطئ فى المطعم فى البارات بيعدى عليك كل شويه يشوفك لو محتاج حاجه تشرب حاجه اى مشكله عندك اى حاجه محدش بيقول مليش دعوه و لا شوف فلان هو بيخلصلك الدنيا سواء شيف المطعم سواء الانيميشن اى حد هيخلصلك اى حاجه
الانيميشن تيم الصراحه اول مره اشوف انيمشين كبيير عددهم اكتى من ١٠ افراد ادائهم كويس غير ان كل يوم حفله بليل من بره الفندق او ناس متعاقدين معاه انا معرفش مره كان ساحر كان لطيف مره عروض و هكذا
محصلش اى مشكله خلال فتره اقامتى كل حاجه كانت ماشيه تمام جدا
ملاحظتى ان لو كان فيه اكوا بارك كبار و كبير كان هيبقى من الاخر
طبعا الاقامه واحده اول انكلوسيف هارد
فى ٤ بارات تبع الاقامه
٢ مطعم متناوبين فى الوجبات برضوا تبع الاقامه
فى مطاعم تانيه بالحجز انا مش بحتاجها فا معرفش عنها اى تفاصيل
الوجبات شبه متوفره طول اليوم بحيث ميبقاش فى وقت ممكن تبقى جعان و مش لاقى حاجه تاكلها اعتقد من ٥ ل ٧ بس ده الوقت الوحيد اللى مفيهوش وجبات انما من الصبح لحد بليل شغال غير البار شغال كل الوقت
تعليقى هو كان على الريسيبشن كنا ٣ اوض لسبب مجهول محطهومش جنب بعض و كان تفسيره ان الفندق اشغاله عالى و مش هيقدر يحطهم و الله اعلم عشان منظلمهمش
1,944
114
61
12
14
