عبدالله محمد
من مدينه نصر الغرف ممتاه المطعم نظيف والاطل جلو اوي اوي والحمامات نضيفة والجيست لزيز والبارات هايلة و الشاطي راءع و البيتش جميل و المكان هادي و يوجد موسيقه و فريق الانيماشن متاعاون و محبوب و راءع

فندق ممتاز و الخدمه راءعه و فريق الشو لذيذ جدا و العروض جميله جدا و شكرا لفريق الانيماشن و فتاة الميني ديسكو لذيذه و نشيطة جدا .. بصراحه 3 ايام ممتعه جدا و تجربه ممتازه في خليج سوما .. ان شاء الله تكرر الزياره في نفس المكان

أنا لسه راجعه من هناك و كانت اسوء اجازه ليا السنه دى، أنا سافرت كتير الصيف ده فى اوتيلات كتير و شيراتون سوما باى اسوء تجربه بالنسبه لى، الفندق حلو اوى و البحر تحفه، الاكل وحش بالنسبه لفندق 5نجوم. الكارثه بقى فى الخدمه و طريقه كل الموظفين هناك، و من أول لحظه بتدخلى فيها الاوتيل لحد ما تمشى لازم تقابلى مشاكل مستفزه، زى مثلا أنا حاجزه اوضتين واحده all inclusive و واحده half board عايزه أعمل upgrade لل half board اتقالى ماينفعش و لما اصريت اوى قالى خلاص هتدفعى 5800 االفرق فى 3 ليالى 😅ليه يا سيدى كده ده أنا حاجزه من على ال web site بتاعكوا مش من على booking حتى أنا اتعاملت معاكوا direct. طيب احنا جاين من سفر طويل و انت عاملى مشكله موقفنى فيها ساعتين ممكن ادخل الولاد يفطروا و ارجعلك نشوف هنعمل ايه قال لى آسف حضرتك أول وجبه ليك الساعه 6😬 يعنى انت مش عايز تعملى upgrade او تدفعنى تقريبا حق الاقامه مرتين و تخلينى اصوم أنا وولادى لحد المغرب ايه الذوق ده!!! وفعلا دخلت الاوضه من غير ما نوصل لأى حل لأنى تعبت من المناهده و الاستفزاز .و رحت اعدت على البحر استنى المغرب عشان نفطر😂 وانا اعده عملت review على trip advisor لقيت تليفون جالى من الريسبشن أنهم الحمد الله خلاص هيعملوا upgrade بال rate الطبيعى ولازم اروح ادفع رحت دفعت و خلاص الحمد الله المشكله اتحلت و يلا نبتدى الإجازة بس ازاى تتبسطى فى مكان كل الى شغالين فيه مش طايقن نفسهم ولا طايقينك و مبوزين و بيعملوللك اى حاجه بالعافيه!!!! جايه بطلب لاتيه من البار الساعه 11:32 قالى خلاص قفلنا احنا بنقفل 11:30 😄 و اصلا بيقفلوا 12:00 لحد دلوقتى مش فاهمه ازاى قالى كده
آخر يوم بقى فى ال check out بما أننا متنكد علينا ال 3ايام كان صعبان عليا ارجع كده قلت نعمل late check out ونقضى اليوم على البحر رحت سألت بكام قالى ب 600 دفعت و رحت اقضى كام ساعه بروقان بس ده كان مستحيل يحصل غى شيراتون سوما باى هم حالفين ينكدوا على الناس اجى اخد كبايه مايه يقولى انت مالكيش اكل ولا شرب انهارده اقوله لأ أنا دفعت late check out يقولى ده غرفه بس من غير اكل؛!!!!!! ازاى يا حبيبى كده يعنى أنا دافعه عشان اعد صايمه فى الاوضه!! 😏 الحمد الله أننا رجعنا على خير بصراحه تجربه اكتر من سيئه و اداره غبيه و ناس قليله الذوق و اكيد مش هتتكرر تانى.