الغرفة اطلالتها رائعة علي الحديقة ونظيفة وخدمة الغرف جيده
الحديقة تنسيقها رائع جدا شجر كتير وخضرة وبها نافورة
الاكل متنوع وجميل كل يوم اصناف متعدده من الحوم والاسماك و الخضار .. وكمان الحلويات عظيمة
المسبح جميل وكبير وبه كذا ارتفاع ويوجد مسبح مغلق ايضا .. ومسبح للغطس .. ومسبح اطفال
الانيميشن تيم لذاذ ودمهم خفيف وودودين

الحاجه الوحيده اللي مارحتنيش الشط وحش كله صدف وطحالب كتير وزلط ماتعرفش تمشي عليه حافي وكمان ماتعرفش تنزل البحر حافي .. هو مناسب اكتر للغطس .. الموج كان عالي ممكن لاننا سافرنا في اول اكتوبر

انا لسة راجعة يوم الجمعة اللي فاتت قضيت 5 ايام من 18/9 الي 22/9 كانوا من أسوء الفنادق إللي زورتها في حياتي انا روحت شرمنيج إن وبعديها كونكورد السلام في شرم ورويال لاجونز في الغردقة وكانوا فوق الممتاز في كل شىء لكن الفندق دة لا يصلح إن يطلق عليه 5 نجوم هو آخره 3 نجوم أولا بداية بالمطعم الوجبات سيئة جدا ولا يوجد بها تنوع نهائى ومعاملة الاستف بالمطعم غير آدمية وبالنسبة للاسناكس تقريبا مافيش سناكس هو بالظبط كريب للأكل بيتقدم مع عصير برتقال أو لمون فقط لا غير وبالنسبة للغرف مهلكة وقديمة واول ما نزلونا نزلوني انا وزوجي وبنتي طفلة في غرفة ارضي وكانت جواها رطوبة فظيعة وما بيدخلهاش شمس نهائى وطلبت اغيرها قعدوا يوم علي ما غيروهلنا ووضعونا في غرفة في آخر دور في الفندق كانت متعبة جدا في الطلوع والنزول منها دا غير الشاطىء لما حبينا نروحه كله صخري ومافيهوش اي نوع من الخدمات ولا بار ولا اي حد يقدملك كوباية مية حتي يعني تحسه مهجور كدة والشازلوناج بتاعته متكسرة ولا تصلح للجلوس عليها ومافيش اي ترفيهيات هناك غير فريق الانيميشن بيشتغل نص ساعة علي البسين مع الأجانب الصبح وبعدين زيهم نص ساعة في الرسيبشن بعد العشاء للناس وبعد كدة شكرا فعلا حسيت جدا بالملل هناك وبتمني إن ماحدش يكرر التجربة دي تاني لأن الفندق دة سىء جدا جدا وكرهني فعلا في مرسي علم كلها