مكان رائع و جميل و مريح للاعصاب
--انا حجزت خمس ايام و كان فيهم ويك اند فنصيحتي بلاش تروحه في الويك اند بيبقي زحمه مبالغ فيها و رغم كده الخدمات بتبقي ممتازه بس لو عايز هدوء و استجمام تجنب الويك اند
--الريسيبشن مش كل الافراد محترفين و اسلوبهم كويس ،بس احنا اتشرفنا بشخص محترم و محترف و مهذب اسمه علاء
--لو حاجز عم طريق بوكينج.كوم لازم تراجع وراهم و تتآكد انك دافع نفس القيمه الي مكتوبه في بوكينج مش زياده و لو لقيتها زياده اعترض و هيغيروها زي ما حصل معايا لانهم ساعات بيبقوا حاسبين حاجه اسمها فرق عمله و انت مصري مش المفروض تدفعه اصلا،غالبا بتبقي غلطه مش مقصوده
--لو حاجز عن طريق بوكينج راجع كويس وصف الغرفه و بتطل علي ايه عشان فنادق كتير بتديلك غرف غير الوصف الي مكتوب و ساعتها برضه قولهم و هيغيروهالك و لو ما رضيوش ابعت لبوكينج قولهم الغرفه غير الوصف الي في الحجز
--الغرف نظيفه جدا خصوصا الي فيها بلكونه رائعه
--خدمه الغرف محترمين و ذوق جدا و ليك زجاجه مياه كبيره للغرفه
--فيه مياه موجوده في بوفيه الفطار و العشاء خلي معاك زجاجات مياه صغيره و ممكن تملي منهم عادي و هات معاك مياه و انت جاي هتنفعك
--البحر رائع و نصيف بي فيه طوب يفضل تجيب معاك جزم البحر
--الشاطئ بتاع البحر الرمله بتاعته مليانه اعقاب سجاير و دي حاجه مقرفه جدا و ده نتيجه سلوك الزوار بس الستاف بتاع الفندق بيحاول ينضف في اوقات معينه و رغم ذلك الرمله كلها سجاير ،اتمني يزوده الناس و تبقي شغاله طول ما الشاطئ مفتوح و كمان مراقبه الزوار للتآكد من تنفيذ تعليمات نظافه الشاطئ و هي رمي السجاير في الزباله مش علي الرمله
--حمام السباحة رائع و نضيف و الستاف الي شغال فيه محترم جدا و متعاون
--الستاف الي شغال في المطعم الرئيسي الي بيتعمل فيه الاوبن بوفيه عموما اكثر من رائع،بشوش،خدوم جدا و اسلوبهم راقي و متحضر في التعامل و صبورين جدا مع الاطفال و كبار السن و بيوفرلك كل حاجه حتي لو مش عنده يعني رغم اني البوفيه مافيهوش ام علي،خلا الشيف يعملي واحده ليا مخصوص
--بوفيه الفطار الحادق تشكيله كبيره و متنوعه ترضي جميه الاذواق و الحاجه فعلا طعمها حلو و بوفيه الحلو تشكيله معجنات و بان كيك و فواكه رائعه
--بوفيه الغداء عالمي بقي في الاصناف و التشكيله و التعدد و التنوع الي موجود،ده غير جوده عاليمه في الطعم ،يعني الحادق اصناف لا نهايه لها و كلها حلوه و لازم صنفين كل يوم في الشوايه مثلا كفته و شاورما ،يوم تاني كبده و فراخ مشويه ،يوم ثالث سمان مشوي و فراخ تندوري
بوفيه الحلو بتاع العشاء،الشرقي فيه مش حلو خالص بس الجاتوهات حلوه جدا و تشكيله كبيره و الاصناف السخنه بيعمله فادج و كاستر و شويه اختراعات حلوه بس للاسف مش بيعمله ام علي الا كل فين و فين يعني ممكن طول فتره الزياره ولا مره
الميلفيه بتاعهم عالمي لانه بيعمله بالزبده و طعمها بيبقي قوي و واضح و دسم جدا
--المناظر الطبيعيه في الفندق رائعه جدا و الاهتمام بالبحيرة و الشلال و غيرهم ممتاز
--عيوب المكان شويه اني ممكن يسمح للناس تنزل البحر او حمام السباحه بدون لباس مخصص للبحر يعني ممكن حد ينزل بحاجه قماش و ده طبعا مش صحي تماما لآني لازم تكون ملابس البحر نفس خامه المايوهات مش قماش
--فيه باركينج فري ملحق بالفندق و دي حاجه رائعه
--في كل يوم بليل شو من 9:30 الي 11 عند مطعم اسمه الجزيره تابع للفندق و بيبص علي البحر
--الشو بيعمله الشباب بتوع الانيميشن و كلهم دمهم خفيف و بيعمله اقصي جهدهم لاسعاد الناس صبح علي الشاطئ و لعب الفولي و الموسيقي و المسابقات و بليل في الشو اليومي الي معظمه فقرات اطفال مكرره فا ساعات بيبقي ممل شويه و فيه فقرات مسابقات و عروض النار بيبقي حلو جدا
--القاعده بتاعه مطعم الجزيره اثناء الشو لطيفه بس كآنك قاعد في غرزه جو مليان دخان شيشه و سجاير رهيب و كميه مش طبيعيه ده غير رائحه الفحم بتاعه فرن الفحم الي بيستعملوه في الشيشه،جو كله غير صحي و امراض رغم اني فيه كميه كبيره من الأطفال و كبار السن و حتي لو شباب ما حدش عارف ياخد نفسه
--الخلاصه المكان رائع خدمه و مناظر طبيعية و بحر و الاكل عالمي اكثر من اي مكان تاني ممكن تروحه في التنوع و الطعم

فندق رائع و العاملين على قدر كبير من الاحترام و التفاهم و التعاون و عربات الجولف دائما متوفرة و لذلك فهو مكان مناسب جدا للمرضى و كبار السن كما للشباب و العائلات .. الكيدز اريا صغيرة و لكن جميله و كذلك الكيدز كلب له مواعيد فى اليوم و ظريف للاطفال .. الانيميشن تيم نشيط تماما على البول و الحفلات اليوميه الليليه .. الاثاث قديم جداااا و بحاجة للتجديد فلا يتناسب اطلاقا هو و الاكل مع اسعار موفمبيك السخنه حيث انه يعتبر الاعلى سعرا بين فنادق موفمبيك مصر.. الفطار يجنن و متنوع تماما و يناسب كل الاذواق و العشا اللحمة بمختلف طرقها طعمها بشع ومش بتتمضغ و بقيه البوفيه لا بأس به الكميات كبيرة و لكن المحتوى جيد ليس ممتاز.. مجملا المكان جميل و لكن هناك اماكن كمان جميله و اجمل و بسعر اقل كثيرا..الغرف الجاردن فيو تعتبر افضل خيار حيث انها وسط بين البحر و البول و المطعم و اصوات الحفلات لا تصلها عاليه