اسوء فندق روحته فى حياتى ... كل حاجه سيئه جداااا معامله الموظفين والخدمه والنظافه والاكل ... كل حاجه بجد وحشه اوووى ...... للناس اللى رايحه تقضى فيه داى يوز مسموح ليك دخول حمام سباحه واحد صغير ومش نضيف خالص اما عن شاطى البحر ولا اسوء والله البحر كان مش نضيف خالص مقرف جدا وكله شوائب سوده وحشرات كمان بتقرص .. بجد يا جماعه بنصح اى حد بيفكر يروح المكان ده انوا ميروحش ابداااا ..... هتشوف معامله من الموظفين كانهم بيطفشوك من المكان ...
يقع الفندق فى مكان جيد فى بداية مدينة العين السخنة على بعد حوالى ساعه ونصف من القاهرة، كما يقع داخل قرية هوريزون الوادى.
نقاط القوة بالفندق:
- مكان الفندق قريب من البحر على بعد 50 متر تقريبا من البحر حيث يوجد شاطئ خاص للقرية و الفندق
- يوجد 3 مسابح، 2 مسبح خاصين بالفندق و المسبح الثالث بالقرب من الشاطئ و خاص بالفندق و القرية
- إمكانية رؤية المد و الجزر من على الشاطئ
- الطعام جيد
نقاط الضعف:
- يوجد خدمة wifi ولكنها ضعيفة بالغرف و قوية بعض الشئ فى الإستقبال
- لا يوجد أنشطة فى محيط الفندق سوى المسبح و البحر
- الغرف الخلفية مطلة على منطقة الميناء ولا ترى الحديقة
- لا يوجد مصعد بالفندق
احنا بننزل في الفندق ده كتير علشان قريب من ميناء السخنة ودي ميزته بالنسبه لنا.
الفندق ده غريب جدا ساعات يبقي كويس و ساعات يبقى وحش، ساعات نضيف و ساعات متوسخ، الاكل ساعات يلقي حلو وساعات بقرف اكل اصلا.
الغرف اللي بتبص علي حمام السباحة كويسة، لكن الغرف الخلفية جحيم صغيرة جدا صعب تمشي فيها اصلا، اوع تفكر انك تقعد فيها، التكييف كويس في الغرف.
اي نوع من انواع المشروبات بفلوس حتي المياه، في عصير و شاي و نسكافية بيبقى موجود على الفطار بس العصير صناعى و مقرف اوي، ممكن تشتري المياه بتاعتك و المياه الغازية و العصير من السوبر ماركت اللي موجود عند البوابة الخارجية للقرية.
لو بتحب تشرب شاي كتير نصيحة خد معاك سخان Kettle و شاي و سكر و انت رايح.
بالنسبة للناس اللي شغالين هناك هما طيبين بس مش محترفين خالص و تقريبا عمرهم ما اشتغلوا في فنادق اصلا.
من الاخر انا لو رايح اتفسح عمري ما حاروح المكان ده، لكن انا باروحه بس علشان قريب من ميناء السخنة.
سعر الغرفة فى الليلة حوالي ٧٢٠ جنية الغرفة المزدوجة، لو بتتفسح ممكن تدفع اقل من كده في اماكن تانية و تنبسط اكتر.
و الله فندق راءع الاكل متنوع و ممتاز و الأسطف متعاون و حمامات السباحه و الغرف نظيفه جدا و كمان شو كل ليله و البحر قريب و انا روحت البورتو باليل حوالي ٣٠كيلو و المسافه من القاهره ممتازة بس خالى بالك من الرادار عموما اجازه سعيده
بوفية مفهوش تنوع هما صنفين والباقي سلطة الاكل وحش جدا ملهوش اي طعم..الguests عبارة عن ناس نازلة البحر بجلاليب والبحر اصلا بعيد جدا.والمفروض مطتوب تعليمات عدم النزول بغير ملابس السباحة بس ولا في اي رقابة ومفيش life guards الفندق بعد العشاء ميت بمعني الكلمة تحس انك في صحراء ممكن يبقي لطيف لمحبي الهدوء..الغرف كويسة والحمام.اوحش حاجة مفيش اسانسير..القرية بسيطة جدا مش luxurious يعني
