تجربة سيئة في التنظيم والتعامل مع الناس بذات اننا مصريين او مش جايين بتوصية، على الرغم ان الحجز من موقع booking.com وان ده المفروض upgrade عشان الفندق اللي انا حاجز فيه مفهوش مكان
اولا حمام السباحة كان المفروض متسخن، للاسف مكنش كده ولما سألنا قالوا انه اشتغل من يومين ولسه موصلش للدرجة الكافية..عموما خليني اقول مش متسخن للدرجة الكافية خلينا اللي يشجعنا في النزول براحتنا بالذات في برد شهر ديسمبر
ثانيا، ليله راس السنه وضحوا لنا ان في برنامج خاص للاطفال وانهم هيخدوهم عشان ينبسطوا وده طبعا محصلش..اللي حصل برنامج مش هتكلم عن انه حلو ولا وحش، بس "لا يليق" بفندق ٥ نجوم!
اخيرا، غيروا ميعاد العشا من ٧ الى ٨:٣٠ بدون سابق اشعار اليوم ده بس! المشكلة ان فيه اطفال، واللي مسؤول عن المطعم عندهم كلمنا بكل قلة ذوق ان الاكل لسه بيتجهز وان الميعاد معروف وقفل باب المطعم كأننا هندخل من وراه مثلا!
طبعا محدش عرّفنا بالميعاد ده، طلبت اتكلم مع المدير انتظرته لحد الساعه ٧:٢٥ يعني واقف ٢٥ دقيقة منتظره، على الرغم من محاولته لارضاءنا بس بجد الشخص اللي ب يدير المطعم المستفز هوه اللي خرب الليلة حتى محاولش يعتذر عن افعاله لسبب او لاخر! ولا مدير الفندق حاول يخليه يعتذر !!
المهم كان بيحاول ارضاءنا بانه يجيب ساندوتشات للاولاد، السندوتشات وصلت تقريبا الساعه ٧:٥٠ او قرب الساعه ٨ ، مبقتش عارف اتصرف ازاي لان الاولاد فعلا جعانين وكنت ممكن اتصرف في اي اكل لو اعرف ان فيه تأخير!!
يعني السندوتشات وصلت وقت ما بدأوا ينزلوا سناكس ولسه ميعاد العشا مجاش ده كده اللي هوه راضونا!!
طبعا الناس ازدحمت على مدخل المطعم وعملية دخولهم المطعم خدت وقت ، زي ما باين في الصورة، عشان الكل نزل في حدود الوقت المعروف مسبقا ٧ تقريبا
بشكل عام كانت تجربة سيئة على الرغم من حماسنا اول يوم، واكيد لن تتكرر
367
54
17
12
23
