اصطاف وإدارة محترمين جدا فوووق الوصف
الاصطاف كله قمه فى الذوق وبيتعاملوا بأدب واخلاق عاليه جدا
والابتسامه مش بتفارق وشهم وده اكيد لان الاداره عندهم متفاهمه جدا بقى

الشيفات بالنهار وبليل اكلهم وهمى ونضافه وتنوع جميل جدا والكميات كبيره اووى والضحكه واحترام فوق الوصف ده غير انهم بيلبوا كل اللى محتاجينه من اكل لو متاح عندهم جوا المطبخ

الاوضه نضيفه جدا والفيو تحفه ومنظر جميل وممتع وكمان الهاوس كيبنج بيحاول يرضينا باى شكل وبياخد ف الاعتبار كل الكومنتات لو موجوده
والانيمشن تيم ممتعين جدا والفقرات متنوعه وجميله والهدايا احلى واحلى وكانوا من اسباب انى اجى مرة تانيه ليهم اتمنى ان الفندق يكمل مع الانيمشن ده لانهم بيهتموا بتفاصيل التفاصيل حتى لو عدد النزلاء قليل

احنا كنا جايين يومين بس وقعدنا اسبوع بسبب المعامله الممتازة والوجه البشوش من الويترز والشيفات والادارة
البسين ممتاز وساخن وحلو اووى وشغالين ف اصلاحات الشاطىء وده مش فارق معايا
انا صورت صور بسيطه للمكان وكل الكلام اللى قولته قليل عليهم يستحقوا اكتر من الكومنت
ع فكرة انا عملت كده لانى ديه رابع مره ازور المكان وماندمش ع انى زورته ف كل مره فحسيت انى محتاجه احكى تجربه نجاح اداره محترمه ومحترفين جدا ف اختيار اصطاف كويس جدا و انيميشن محترف وبيحب شغله جدا
شكرا ليكم جميعا واسف ع الاطاله بس ده قليل عليهم بجد

فندق شيك وتعامل كويس جدا والأستاف كله ذوق وممتاز وتيم الانيماشن ممتاز

والاكل كان ممتاز واكل حلة جدا
جو كان حلو ومارينا اتعملت بشكل اشيك وجميل والبحر كان جميل جدااا
والاجازة كانت حلوه ف الفندق واتمنا اننا نجي هنا تاني