Elite Residence Aroma, Ain Soukhna

#تحذير_اهمال_فندق_ايليت_اروما
#العين_السخنه

تحذير من فندق ايليت اروما العين السخنه
اللى حصل معايا كالتالى , حجزت ليله بتاريخ 30 سبتمبر 2021 و حتى 1 اكتوبر 2021 بفندق ايليت اروما عن طريق موقع Booking عشان اقضى ويك اند مع اسرتى.
اثناء وجودنا بحمام السباحة المواجه لمنطقة العاب الطفال بالفندق يوم الخميس فوجئت بسقوط ابنى/ يونس على الارض بجوار حمام السباحة ولما رحتله لقيت قدمه اليسرى وقعت فى بلاعة صرف حديدية مكشوفة و رجله مصابة بجرح عميق الى ادى الى نزف شديد من الكعب.
جريت بابنى على الاستقبال و طلبت دكتور الفندق لكن موظف الاستقبال بلغنى بعدم وجود دكتور بالفندق و لكن يوجد بعض الاسعافات الاولية واللى مكنتش كافيه لوقف النزيف و قام موظف الاستقبال بطلب اسعافات اضافيه من صيدليه قريبة من الفندق لكنها اتاخرت جدا و موصلتش لحد ما وقفت النزيف بملابس ابنى عشان نقدر نروح لاقرب مستشفى.
رحت بابنى الى مستشفى قناة السويس التخصصى بمدينة السويس و اللى تبعد عن الفندق 50 دقيقة و تم استقبالنا بقسم الطوارئ و بالكشف على ابنى افاد الاطباء بوجود جرح متهتك بالكاحل الايسر و قطع جرحى بوتر اكيليس مما يستدعى الدخول للعمليات فورا لاصلاح الوتر.
رفضت دخول ابنى للعمليات بالمستشفى و طلبت خروجه مخالفة للنصيحة الطبية، و بالفعل خرجت به بعد خياطة الجرح ب6 غرز و عمل جبيرة من الركبة الى الكاحل للمحافظة على الوتر لحين العرض على مستشفى بالقاهره.
الحادث كان بحوالى الساعه الخامسة والنصف مساءا يوم الخميس، خلال عملية الاسعاف الاولية بالفندق و حتى الرجوع مره اخرى الى الفندق من المستشفى حوالى الساعه الثالثة صباحا يوم الجمعة لم يقم اى مدير مسئول من الفندق بمقابلتى او بالاتصال لمعرفة الحالة.
عند المغادرة صباح الجمعة للتوجه الى المستشفى بالقاهرة طلبت مقابلة مدير الفندق الا انه رفض مقابلتى (سمعت صوته من سماعة التليفون بيقول لموظف الاستقبال "قولهم مش فاضى") و قبل المغادرة رحت لمكان البالوعة لقيتها لسه مكشوفة على الرغم من وقوع الحادث.
بعد العرض على طبيب عظام و طبيب جراح بالقاهرة لمتابعة الحالة افادا بالحاجة للقيام بعملية جراحية لاصلاح الوتر و عملية اخرى لترقيع الجلد و الانسجة المتهتكة بالكاحل ، و لكن يوجد احتمالات بسيطة لصغر سن الطفل ان الجسم يقوم بالاصلاح تلقائيا بدون عملية لكن هيحتاج لوقت و الذى تم تقديره مبدأيا 3 اسابيع مع اعادة تقييم الحالة بعد المده المقرره.
بتاريخ 9 اكتوبر 2021 رحت لقسم شرطة عتاقة بالسويس لعمل محضر ضد الفندق و اتخاذ كافة الاجراءات القضائية, الا ان قسم الشرطة افاد ان الفنادق تتبع شرطة السياحة بقسم شرطة بورتوفيق.
توجهت الى مكتب شرطة السياحة ببورتوفيق و طلبت عمل محضر ضد الفندق المذكور لكننى فوجئت بعدم وجود اسم الفندق ضمن الفنادق المرخصه و المدرجة لدى شرطة السياحة.
رجعت مرة اخرى الى قسم شرطة عتاقة لعمل المحضر و بعد محاولات مضنية تم قبول عمل المحضر و ذلك برقم 1583/2021 ادارى قسم عتاقة بتاريخ 9/10/2021
و بناءا على نصيحة من احد افراد القسم بضرورة الحصول على فاتورة من الفندق توجهت فورا للفندق و طلبت رسميا من موظف الاستقبال طباعة فاتورة الا انه رفض و افاد انها من اختصاص الحسابات، توجهت للحسابات رفض ايضا المحاسب و افاد ان لديه تعليمات بعدم طباعة الفاتورة.
رفضت ترك الفندق بدون الحصول على فاتورة فقام موظف الاستقبال بطلب مدير الفندق لمقابلتى و الذى كان متواجد بفندق تيوليب ريزيدنس و المجاور لفندق ايليت اروما و المملوك لنفس الملاك.
جاء مدير الفندق و معاه العديد من الاشخاص و طلب منى الجلوس للتفاوض و عرض التعويض الذى احتاجه دون اللجوء للقضاء و انه مش هيدينى فاتورة فى كل الاحوال.
بلغته انى عرفت بعدم وجود ترخيص للفندق، فكان رده انه بما اننى عرفت فالحل الودى هو افضل شئ لكننى رفضت و تركت الفندق.

من الاماكن الممتازه والمريحه والهادئه كانت اجازه جميله وانبسطنا فى المكان دا كتير بسبب ان الاصطاف محترم وعلى خلق الغرف كويسه جدا بنينظفو الغرف وبيعقموها كل يوم والموظفين والفيو بتاع الفندق كويس جدا من اى مكان بتشوف البحر والمطعم كويس انصح بهذا المكان

فندق اكثر من رائع الخدمه والموقع ممتاز الفندق نظيف والغرف نظيفه ويوجد مياه للشرب وكاتيل في الغرف ولكن حجم الغرف ليست كبيره والبتش جميل وكبير والبحر كان هادئ طول فتره الاجازه استمتعنا كتير والمنظر باليل من البلكونه جميل جدا