ريفيو سيء جدا عن الريسبشن والتسكين بعد خمس ساعات فعلا.. الأكل معقول والريفيل بيتأخر جدا .. الغرفه كويسه وواسعه ... خدمه الغرف متأخره والعماله قليله.. انيميشن تيم معقول .. مستوي الفندق كان افضل من كده بكتيير .للأسف في ناس مشيت لما التسكين اتأخر لحد ٨ مساء..

طيب ..انا حبيت اكتب الريفيو بالعربي علشان هرغي شوية ..
للأمانة انا كنت خايف اروح السخنة في الاول علشان كل الفنادق هناك هاف بورد ومفيش مشروبات وكده بس فعلا ريزورت توليب فاق كل التوقعات من اول الريسيبشنست استاذة مروة اللي رحبت بينا كتير ومدير المكاتب الاماية ونائب المدير فعلا ناس ممتازة جدا .. لما بنحجز بنحجز غرفة ثنائية بعدين بنطلب تكون ثلاثية فهما الاول استنوني ادخل الغرفة انا ووالدي ووالدتي بعدين جابولي السرير الزيادة علشان لو معجبتنيش الغرفة اقدر اغيرها براحتي ...
لما روحت كانت نسبة اشغال الفندق مفيش ١٠ او ٢٠ في المية فكان الفطار والعشاء ست منيو ودي حاجة كانت مخوفاني في الاول بس للامانة الستاف كله والشيفات والويترز كانوا تحفة وكل ما طبق يخلص يقولولي لو حضرتك محتاج تاني قول براحتك خالص وفعلا كنت بطلب تاني وفي اخر يوم نسبة الاشغال زادت فكان فيه اوبن بوفيه والاكل فعلا عندهم لذيذ جدا جدا ومتنوع وعجبنا جدا .. لما كان بيبقي والدي نفسه في اكل معين كان بيقول للشيف وبيلاقيه اتعمل تاني يوم ودي كانت حاجة شيك جدا منهم ..
نظافة الغرف ممتازة والناس جميلة جدا ..
احنا جربنا كل حاجة الجاكوزي والحمام التركي وروحنا الشاطئ بالشاتل باص وفعلا كل حاجة كانت جميلة اوي

يمكن الحاجة اللي ممكن تكون تتعبك شوية في فكرة المياه غالية هناك الزجاجة الصغيرة ب ٢٠ جنيه والكبيرة ب ٣٠ فللانانة انا كنت عامل حسابي وجيبت معايا اللي يكفيني وكانت الدنيا لطيفة جدا

فعلا الستاف كله كان جميل اوي اوي والمديرين متعاونين وكانوا لما بيقابلوني في الريسيبشن كانوا بيسألوني مخصوص لو انا محتاج اي حاجة او في اي مشكلة او كده ودي حاجة شيك منهم ولطيفة

انصح اي حد حابب يقضي وقت عائلي لطيف بأنه يروح نوليب الجلالة هينبسط بإذن الله

فندق كويس جدا و الاكل جميلللل و المكان نضيف جدا والبسين حلو جدا خصوصآ ان هو مدفي و الحفلات حلوه جدا و منظمه و تيم الانميشن عسل جدا و محترمين و خدمه الهاوس كيبينج كويسه جدا جدا و دى مش اول مره نيجي هنا و اكيد هنيجي تاني كتير ♥️♥️♥️♥️🌎🔥