اولا احنا طلعنا رحله للفندق دا وكنا باص كامل. لا يوجد ترحيب ولا حتي حسن استقبال. الموظفين غير محترفين بالمرة، كل واحد يقول ادخلوا من هنا، ووقفنا في الشمس لمدة طويلة.
ثانيا: البحر صخري وغير مؤهل للنزول بالمرة.
ثالثا: مياه المسبح ساقعه جدا، لا يوجد سخانات ، بالإضافة إلى أن ماء مسبح الاطفال كان ملئ بالتراب الراقد. دا غير انهم حطين (زحلقة slide) غريبه جدا 😂😂 مفهمتش دي اية، هل هما قصدهم اكوا بارك؟؟؟ الله اعلم.
_الشازلونجات مريحة. في بار علي المسبح والاسعار معقولة، طلبنا ٣ قهوة ب ٤٥ لكن البن كان سئ للغاية، والقهوة متتشربش.
رابعا: المطعم، معظم الاكل طعمه جيد. ولكن الكميات قليلة جدا، لو الصنية tray خلصت مش بتتغير وبتفضل فاضية. الشيف بقي كان بيقطع حاجة بيقولو عليها مكرونه بالبشاميل 😂😂 كان بيقطع من جلده!!! للاسف ملحقتش اصور المكرونه.
ال desert كان لازم طبق علي بعضه مش عارفه ليه. يعني لو انا بحب نوع واحد بس من الطبق ليه يفرض عليا الطبق كله!!! دا غير أن حرام نرمي الباقي.
في الإجمالي منظر البحر والهواء واللمه كانت حلوة وتركت انطباع حلو. هو فندق متوسط يعني اللي طالع ميتوقعش حاجات كتير عشان يعرف ينبسط.
9
12
21
6
10
