تجربة سيئة جدا في فندق رومانس العين السخنة حجزت انا وعائلتي اجازة ويك اند في فندق رومانس العين السخنه المفروض انة 4 نجوم .مبداءيا الرسيبشن زي مايكون ريسيبشن شركه عادي جدا مفيهوش اي نوع من انواع الجمال زي اي فندق اقل من 3 نجوم حتي......ماشي مفيش مشكلة كده كده مفيش تعامل مع الريسيبشن كتير استلمنا الغرف الحقيقه مساحة الغرف ممتازة و الفرش حلو اوي لكن للاسف النظافة سيئه جدا واحنا كنا واخدين 9 غرف مع بعض تلاقي غرفه من غير سله للقمامه وغرفه من غير ريموت تلفزيون و غرفة الحمام لا يصلح للاستخدام اصلا والثلاجات في معظم الغرف مش شغالة و بعض الغرف بدون خزنه مفيش شامبو ولا بلسم مجرد علبه متعلقه علي الحيط فيها شاور جل زي اي حمام في كافيه او نادي مفيش اكياس لاندري الفوط قذرة و متهالكة والغرف مليانة ذباب طلبنا من room service ينضف و يغير الاشياء اللي مش شغالة نضفوا بالفعل بس واضح ان ده كان اخرهم لان مجدش جديد علي الغرف قولنا ده رحله ولازم ننبسط طلعنا علي حمام السباحه واذ المفاجاءة ان حمام سباحة واحد عمق ثابت من اولة لأخرة 120 سم يعني لا يصلح للاطفال و لا يصلح للكبار اللي بتحب تعوم وجنبه حاجه لا تصلح ان تكون غير بانيو للاطفال لا يتسع غير لطفلين كل ده ماشي يزيد و يغطي المايه في البسين قذرة و مليانة حشرات و الارض مليانة رمل قلنا نشوف البحر لاقيناه ميتخيرش عن البسين قذر جدا و الارض مليانه صخر و ظلت و قواقع و زباله...تجربة سيئة جدا في فندق رومانس العين السخنة
حجزت انا وعائلتي اجازة ويك اند في فندق رومانس العين السخنه المفروض انة 4 نجوم .مبداءيا الرسيبشن زي مايكون ريسيبشن شركه عادي جدا مفيهوش اي نوع من انواع الجمال زي اي فندق اقل من 3 نجوم حتي......ماشي مفيش مشكلة كده كده مفيش تعامل مع الريسيبشن كتير

استلمنا الغرف الحقيقه مساحة الغرف ممتازة و الفرش حلو اوي لكن للاسف النظافة سيئه جدا واحنا كنا واخدين 9 غرف مع بعض تلاقي غرفه من غير سله للقمامه وغرفه من غير ريموت تلفزيون و غرفة الحمام لا يصلح للاستخدام اصلا والثلاجات في معظم الغرف مش شغالة و بعض الغرف بدون خزنه مفيش شامبو ولا بلسم مجرد علبه متعلقه علي الحيط فيها شاور جل زي اي حمام في كافيه او نادي مفيش اكياس لاندري الفوط قذرة و متهالكة والغرف مليانة ذباب طلبنا من room service ينضف و يغير الاشياء اللي مش شغالة نضفوا بالفعل بس واضح ان ده كان اخرهم لان مجدش جديد علي الغرف

قولنا ده رحله ولازم ننبسط طلعنا علي حمام السباحه واذ المفاجاءة ان حمام سباحة واحد عمق ثابت من اولة لأخرة 120 سم يعني لا يصلح للاطفال و لا يصلح للكبار اللي بتحب تعوم وجنبه حاجه لا تصلح ان تكون غير بانيو للاطفال لا يتسع غير لطفلين كل ده ماشي يزيد و يغطي المايه في البسين قذرة و مليانة حشرات و الارض مليانة رمل قلنا نشوف البحر لاقيناه ميتخيرش عن البسين قذر جدا و الارض مليانه صخر و ظلت و قواقع و زباله حاجه تغم في اول يوم غير كده مفيش اي life guard ولا علي البحر ولا البسين

لحد كده ماشي ده رحلة مش هنكد علي نفسنا

العشا بقي وده الكارثه الكبري البوفية صغير جدا حضرتك كنزيل محترم لازم تقف طابور جميل حوالي 10 دقايق كده علشان توصل للاطباق و زيهم علشان توصل لل سفنديش اللي فيه الاكل علشان تعرف الاكل اه اصلا وياريتني ما وصلت .....الاكل عباره عن تورلي و رز ناشف متسخن 70 مرة قبل كده فتافيت لحمه والله بدون مبالغه و فراخ متقطعه 12 قطعة و سمك تقريبا مفروم وموقفين واحد بيغرف للناس والله بيدي لكل شخص كده هفوة (المفروض في اي بوفية الاكل بيتقدم والعميل او الضيف هو اللي يقول كفاية كده مش الجارسون يحط قطعه والضيف يفضل يطلب تاني) وتقريبا كان في عرض خاص علي البطاطس كانوا حاشرينها في كل طبق والسلطه والله العظيم كانت ترمس و حمص وكرنب احمر مقطع و باذنجان مقلي غالبا باقي من الفطار ومفيش حتي سلطة خضراء وكان في شوية صوصات كده مجهولة الهوية جنب السلطات وطبعا خلصت في اول البوفيه علي ما وصلنا كان الصوص خلص طلبنامن الشيف قالنا مفيش ومفيش ركن فريش للمكرونة مثلا او المشويات بالاضافة ان الاكل بارد جدا و مفيش اي طعم كله بلا استثناء 

غير ان مده البوفية قصيرجدا من 8 الي 10 فطار ومن 7 الي 9 عشا

طبعا كده الكيل طفح طلبنا نقابل مدير الفندق بعد العشا الراجل سمع مننا واعتزر وقالنا الوضع هيتغير و الغرف هتتنظف 

بعدها بعت ناس تنظف الغرف بس للاسف برضو هما مش عندهم اكتر من اللي عملوه وبعت لكل غرفة ازازه مايه لتر ونصف اعتزار المفروض😕

بس طبعا هي نفس الفوط المستهلكة و مفيش ولا شامبو ولا حتي كوبايات اللي بتتحط علي الحوض 

المهم دخلنا الصبح مقبلين علي الفطار بعد الوعود العظيمة وكانت الصاعقة طبعا .... مبداءيا جبنات مضروبة بالنار و عيش مدعوم و توست متلج و مفيش توست  مفيش ذبادي حتي ولا  زبده ولا عسل واللبن متخفف بالماية

زاد وغطي ان واحد من اللي بيشيلوا الاطباق عايز يمر وابني في طريق فزقه بايده وقاله وسع ياعم ولما اعترضنا وقف يبجح ويقولنا "محدش يتكلم"

وكان تعليق الناس وباقي العاملين انه حرام عليكوا هتقطعوا عيشه فطبعا كان الرد منا ان الاولي ان هويحفظ لسانه و يعرف يعامل النزلاء

رغم اعتراضي علي مظهر العاملين الغير لائق واسلوب تعاملهم المتحفز مع النزلاء الا اني عزرتهم لان نفس الجارسونات الموجوده في الفطار هما اللي بيشغلوا الكافيترات بعد الفطار هما اللي بيقدموا العشا يعني بيشتغلوا اكتر من 12 ساعة متواصله يوميا وطبعا ده مشكلة ادارة

الفندق كله ريحته وحشه حتي مفيش معطر ونظافه المكان بالمجمل غير مقبوله

مش عارفة بصراحة الاربع نجوم دول علي اه بالظبط والمفروض احنا كعائلة رايحين رحله مفيش بسين ولا بحر ولا wi fi ولا اكل حلو نعمل اه بجد😤

كل اللي نزل البحر طلع رجلة مجروحة و دخل فيها شوك طويل اوي سبب لهم ازي شديد 

مرفق صور و فيديو لمنظر الشط مع ان الشط عندهم كبير و ممكن فعلا يبقي تحفة باقل الامكانيات

فعلا الواحد بيزعل جدا لما يشوف اماكن زي كده فيها كل مقومات النجاح و تفشل بسبب الادارة السيئة و الاهمالالمزيد