المكان ده كفاية عليه نجمتين و ابقى كرمتهم و كلمة فندق ده حرام يكتبوها أصلا لانهم ميعرفوش حاجة اسمها فندقة او خدمة.
# الاكوا مشتغلتش في مدة اقامتي اللي هي ليلتين .. البسين ال heated بتاع اطفال بس وصغير اوي و مفيش اي حد قاعد يراقب الاطفال و مفيش اي مصفاه للمياه حوالين البيسين و بالتالي المياه كتير حوليه و الاطفال بتتزحلق و هي طالعة او نازلة.
# الكراسي اللي امام البيسين مبتتلمعش ولا من التراب ولا من الندى بتاع الصبح، الميني بار اللي عند الاكوا مش شغال ولا حتى حد واقف تساله على اي حاجة.
# المطعم المفروض صورته موجودة في البوم صورهم على السايت لكن مش بيتفتح و بياكلونا فيه مكان شبة الميز و معاك في الفطار و العشاء عمال بياكلوا جنبك(الفندق بجوار مصنع) و كلهم رجالة و طبعا لا داعي لذكر تفاصيل انهم متنحين في اي واحدة ست، مع العلم ان المكان مخصص للعائلات بأطفال.
# الاكل نفسه بقى سئ للغاية. اسوء طعم حتى الاطفال اشتكوا ان طعم اللبن في الكورن فليكس وحش.
الطربيزات مش نضيفة و لما تسال ان حد ينضفلك يكون الرد الطربيزة جاهزة و هي اصلا مليانة فتافيت أكل والفوط على الطربيزات مبقعة اكل.
مفيش في العشاء ولا مياه و لا عصير ولا اي حاجة تشربها..عايز اشتري.لاكن في الفطار فيه عصير ملوش طعم..مياه و سكر و لون فقط.
الشيف اللي واقف يعمل بيض بعد كل طلب، الطاسة مش بتتغسل بينضفها بمناديل.. المكرونة و هي بتتعمل قدامك لاقيت فيها شعرة و قلتله ازاي كدة وارميها في الزبالة معجبوش كلامي و مشي وسابني على اساس انه عادي الاقي شعرة في اكل بيتعمل قدامك، امال اللي بيطبخ جوة في المطبخ الاقي فيه ايه.
# البحر لازم يتراح بباص مينفعش بعربيتك و لازم تروح قبل 3:30 العصر.. لكن لو حبيت تروح تشوف الغروب او عايز تنزل ولادك بعد ما الشمس تكون هديت فغير مسموح . لما اشتكيت و جابولي اتوبيس اركبه 4:30 اجي من غرفتي الاقي السواق مش موجود و افضل مستنياه 20 دقيقة وانا اصلا مبلغة عايزة احضر الغروب و النتيجة اني مروحتش علشان البحر يبعد ربع ساعة عن المكان و السواق لاطعنا.
# الميني بار و الكافيه اللي في الريسبشن لو حبيت تقعد فيه و تطلب حاجة تشربها او سناكس للاطفال في الغداء لحد معاد العشاء.. فانت مضطر تقعد تتفرج على قناة اغاني انجليش كلها بوس و عري والاطفال يتفرجوا و لما طلبت تغير المحطة لاطعوني 25 دقيقة والوايتر كان بيتريق على طلبي و بيقولي(انتي قاعدة في فندق مفروض اجبلك قناة اطفال مثلا علشان معاكي اطفال) ده غير ان السناكس كانت مكرونة و تشيكن فينجرز سيئة و اتاخرت ساعة لحد ما جتلنا.
# الروم سيرفيس اسوء تنضيف..اسوء اسلوب تعامل.. لو انت من النوع اللي بنضف التويلت بالديتول قبل ما تستخدمه فخلي بالك.كل مرة تطلع من غرفتك و يدخل واحد ينضف لازم تنضف انت تاني بالديتول لانه للاسف ممكن يعمل بيبي في التويلت بتاعك و يسيبوا مبقع..يشرب سيجارة و يرميلك عقب السيجارة في ارض الحمام.. السرير مش كل يوم بيغيروا الملايات و اول يوم وصلت لاقيت الملاية مش نضيفة.. مبقعة دم و المخدة عليها شعر و الغطاء مش بيتوضب هو دخل لاقاني موضبة السرير فاكتفى بكدة و البطانية الاكسترا اللي في الدولاب فيها بقعة ناشفة اكنها اكل و متغسلتش، الشباك و المرايا تقريبا محدش بيفكر يمسحها خالص و الكارثة اني لما اشتكيت والولد جه يوضب تاني كان مضايق جدا و بيقولي(بتشتكي من ايه..انا وضبتها الصبح، قلتله ده انت حتى موضبتش اللحاف اللي ما معمول اهو مع العلم اني انا اللي وضبطه قبل ما اروح افطر و قالي ملاية ايه اللي مش نضيفة قالتله بتاعت امبارح..قالي و جاية تشتكي انهاردة كنتي فين من امبارح لما لاقيتي كدة ولا هو افترا و خلاص) و طبعا طردته من غرفتي و رفضت حد يدخل تاني.
# مفيش اي شو او انيميشن تيم للاطفال مع العلم اني رايحة ويك اند و الكريسماس و لما سالت قالوا ( ازاي فيه انهاردة بليل رقاصة قولتله و ده ايه علاقته بالطفال؟؟)
# موظفين الريسبشن يفتقدوا الخبرة و فيه بطء متعمد في تلبية اي طلب او استفسار.
و لما قابلت المدير و حب يعتذر و يقدملي كادوه بعت طبق فيه عدد واحدة تفاح وحدة يوسفي وحدة برتقال و صوباع موز مع العلم إن مش انا لوحدي اللي مقيمة في الغرفة معايا ابني..يعني حتى اللياقة مش متوفرة.
# الشيء الوحيد الإيجابي ان قدام الفندق فيه ملاهي dinasours world ظريفة للاطفال و خصوصا سن 4-12 و الدخول لكل الناس مش اللي قاعدين في الفندق،أغلب السويسة بيروحوا هناك.
من الآخر لو عايز تمرن نفسك ازاي تمسك أعصابك و تبقى انسان بارد روح هناك بس كفاية عليك ليلة واحدة

مستوى الفندق جيد و مميز من حيث النظافة و الخدمة عامة أهم ما يميزه العاملين به و مدى تعاونهم و حرصهم على راحة النزلاء و حسن تعاملهم أما بالنسبة للطعام فيحتاج لتحسين بصورة كبيرة , الفندق مناسب للعائلات جدا لما يتوفر فيه من ألعاب مائية و ملاهي مميزة للأطفال , مستوى الغرف جيد الى حد كبير