🌹فندق فعلا فاق توقعاتنا و يستحق تقييم ممتاز🌹
⭐ اولا استاف الفندق من اول الاستقبال لاصغر عامل محترمين و ذوق جدا في التعامل و سرعة في الاستجابة لاي طلب
⭐ثانيا الاكوا روعة جدا و خاصة للاطفال فعلا انبسطوا جدا بيها و البسينات الباقية كلها جميلة و تناسب الاعمار كلها بس ياريت تدخلوا نظام تدفئة للبسينات هيكون احسن كتير
⭐ثالثا البيتش رملي تحفة و البحر لطيف بس الصراحة كان فيه شوائب قللت من استمتاعنا بيه غالبا معظم بحر السويس كدة
⭐رابعا بقي المطعم روعة حقيقي معظم الفنادق في الوقت ده مستوي الاكل فيه بيقل هما لقينا الوضع مختلف بجد جودة اكل و طعم رائع و كمان متنوع و الحلويات تحفة
⭐خامسا فريق الانيميشن فريق رائع و نشيط و الاولاد كانوا مبهورين بيهم فعلا عاملين جو جميل اوي و ماليين المكان بهجة و فرحة الولاد كانوا بيستنوا فقراتهم علي احر من الجمر شابو فعلا ليهم
🌹احنا كنا حاجزين ٤ ايام و مددنا يوم كمان بقوا خمسة و كنا عاوزين نقعد اكتر بس الشغل منعنا شكرا بجد ليكم علي الاجازة الجميلة دي ربنا يسعدكم🌹